കർക്കടക മാസത്തിലെ എണ്ണ തേച്ചുകുളി.

  

 കർക്കിടകമാസം മഴക്കാലമാണ്. വാതം , പിത്ത, കഫ ദോഷങ്ങൾ അസ്ഥിരമാകുന്ന  ഇത് ശരീരത്തിൽ അസന്തുലി താവസ്ഥ സൃഷ്ടിക്കുന്നു. അതിനാൽ മഴക്കാലത്ത് (വർഷകാലത്ത്) വ്യക്തികൾ അവരുടെ ശരീരത്തിനും മനസ്സിനും ആരോഗ്യവും നവോന്മേഷവും പകരാൻ ഈ കാലം ഉപയോഗിക്കുന്നു. ശരീരത്തെ ഊർജ്ജസ്വലമാക്കുന്നതിനും ഇത് സഹായിക്കുന്നു.

 

 ഔഷധസേവയിലും ചികിത്സയിലും ഭക്ഷണകാര്യത്തിലും മാത്രമല്ല കുളിക്കുന്ന കാര്യത്തിലും കർക്കിടകം മാസത്തിൽ ചില ചിട്ടകൾ പറയുന്നുണ്ട്. ഇത് ആരോഗ്യത്തിനോടൊപ്പം സൗന്ദര്യത്തിനും സഹായിക്കുന്ന ഒന്നാണ്. ഇത് ശരീരത്തിന്റെ ശക്തി വർധിപ്പിക്കുകയും പേശികളുടെ കാഠിന്യം കുറയ്ക്കുകയും ചെയ്യുന്നു.

* ദിവസവും എണ്ണ തേച്ചു കുളിച്ചാൽ ആരോഗ്യവും ഒപ്പം സൗന്ദര്യം നിറഞ്ഞ ശരീരവും ലഭിക്കും.

* വാത സംബന്ധമായ ബുദ്ധിമുട്ടുകൾ മാറുന്നതിന്  എണ്ണ തേച്ചു കുളി ഏറെ ഗുണപ്രദമാണ്.

* മാർദ്ധവമുള്ള ത്വക്ക് ദേഹപുഷ്ടി ,നല്ല ഉറക്കം എന്നിങ്ങനെ ഗുണങ്ങൾ ലഭിക്കും.

* കാലുകൾക്കടിയിൽ എണ്ണ പുരട്ടുന്നത് കാലുകളുടെ വരണ്ട സ്വഭാവം മാറാനും വിണ്ടു കീറാതിരിക്കാനും സഹായിക്കും നല്ല ഉറക്കവും ദേഹസുഖവും ലഭിക്കും.

* പ്രമേഹത്തിൽ കാലുകളിലേക്കുള്ള രക്ത ഓട്ടം  കൂട്ടാൻ പാദാഭ്യംഗം സഹായിക്കുന്നു.

* തലയിൽ എണ്ണ തേച്ച് കുളിക്കുന്നത് ഷിരോ ചർമത്തിലെ രക്തപ്രവാഹം വർധിപ്പിക്കാനും മുടി (തലയോട്ടി) ആഡംബരത്തോടെ, കട്ടിയുള്ളതും, മൃദുവും, തിളക്കമുള്ളതുമായി വളരാനും സഹായിക്കുന്നു.

* ചർമ്മത്തിലെ രക്തയോട്ടം വർദ്ധിപ്പിക്കുകയും ഹൈപ്പർ പിഗ്മെന്റേഷൻ കുറയ്ക്കുകയും ചെയ്യുന്നു.

*മുഴുവൻ ശരീരത്തെയും പോഷിപ്പിക്കുന്നു-വാർദ്ധക്യത്തിന്റെ ഫലങ്ങൾ കുറയ്ക്കുന്നു.

*ശരീരത്തിലെ ധാതുവിന് (ടിഷ്യുകൾ) മസിൽ ടോണും ഓജസ്സും നൽകുന്നു

കൈകാലുകൾക്ക് ദൃഢത നൽകുന്നു

സന്ധികളെ ലൂബ്രിക്കേറ്റ് ചെയ്യുന്നു

രക്തചംക്രമണം വർദ്ധിപ്പിക്കുന്നു.

*ശരീരത്തിന്റെ ആന്തരികാവയവങ്ങളെ ഉത്തേജിപ്പിക്കുന്നു

ശരീരത്തിൽ നിന്ന് മാലിന്യങ്ങൾ നീക്കം ചെയ്യാൻ സഹായിക്കുന്നു

ലിംഫിനെ ചലിപ്പിക്കുന്നു, വിഷാംശം ഇല്ലാതാക്കാൻ സഹായിക്കുന്നു.

*സ്റ്റാമിന വർദ്ധിപ്പിക്കുന്നു

ഞരമ്പുകളെ ശാന്തമാക്കുന്നു.

* ശ്രദ്ധിക്കേണ്ട കാര്യങ്ങൾ*

 *എണ്ണ തേക്കുമ്പോൾ നെറുകയിലും ചെവിയിലും പാദങ്ങളിലും തേക്കുന്നത് നല്ലതാണ്

* തലയിൽ തേക്കാൻ ശുദ്ധമായ വെളിച്ചെണ്ണ തന്നെയാണ് നല്ലത് എന്നാൽ വെള്ളത്തിന്റെ അംശം നീക്കം ചെയ്ത് ഉപയോഗിക്കുക.

* വളരെ ചൂട് കൂടിയ വെള്ളം ആരോഗ്യത്തിനും, ചർമ്മത്തിനും,കണ്ണിനും ഒരുപോലെ ദോഷമുണ്ടാകും.

* രണ്ടുനേരം കുളിക്കുന്നത് നല്ലതാണ് എന്നാൽ രാത്രിയുള്ള കുളി ഒഴിവാക്കുക.

* ഭക്ഷണശേഷം ഉടൻ കുളിക്കാതിരിക്കുക.

ഡോ. ആര്യ ലക്ഷ്മി . BSMS

അസിസ്റ്റൻറ് മെഡിക്കൽ ഓഫീസർ ,

ശാന്തിഗിരി ആയുർവേദ സിദ്ധ ഹോസ്പിറ്റൽ , പോളയത്തോട്,  കൊല്ലം